Главная 16 Защита 16 Акафист и Молитвы Святой Блаженной Матроне Московской, Скачать — аудио mp3, слушать онлайн, Святые России

Акафист и Молитвы Святой Блаженной Матроне Московской, Скачать — аудио mp3, слушать онлайн, Святые России

Акафист и Молитвы Святой Блаженной Матроне Московской

Акафист и Молитвы Святой Блаженной Матроне Московской, Скачать - аудио mp3, слушать онлайн, Святые России

rdquo;Акафист и Молитвы Блаженной Матронеrdquo;

Навигация по странице

Акафист и Молитвы Святой Блаженной Матроне Московской, Скачать - аудио mp3, слушать онлайн, Святые России

Вам может быть интересно

С этим материалом читают

Тропарь и Величание Блаженной Матроне Московской

Величаем тя, святая праведная блаженная Матроно, и чтим святую память твою, ты бо молиши о нас Христа Бога нашего.

Тропарь, глас 2

Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех Небесных Престолу Божию предстоит и молится о душах наших.

Кондак, глас 7

К служению Христову от чрева матерня предъизбранная, праведная Матроно, стезе скорбей и печалей шествующи, твердую веру и благочестие явивши, Богу угодила еси. Темже, почитающе память твою, молим тя: помози и нам в любви Божии пребывати, старице блаженная.

Акафист Блаженной Матроне Московской

Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.

Радуйся, даром чудес измлада обогащенная; Радуйся, премудростию от Бога свыше исполненная.

Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.

Радуйся, души заблуждшия к Богу приводящая; Радуйся, скорби и печали утоляющая.

Радуйся, праведная мати Матроно, теплая о нас к Богу молитвеннице.

Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.

Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.

Радуйся, молитвеннице, от Бога людем дарованная; Радуйся, свеще неугасимая, пред Господем сияющая.

Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.

Радуйся, милости Божия грешным возвещающая; Радуйся, от источника воды живыя жаждущия напаяющая.

Радуйся, праведная мати Матроно, теплая о нас к Богу молитвеннице.

Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.

Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.

Радуйся, помраченных душею пресветлая наставнице; Радуйся, заблуждших милостивая путеводительнице.

Радуйся, звездо, верным путь указующая; Радуйся, свеще, во тьме века сего светящая.

Радуйся, единому Богу послужившая; Радуйся, козни диавольския благодатию Духа Святаго поправшая.

Радуйся, праведная мати Матроно, теплая о нас к Богу молитвеннице.

Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.

Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.

Радуйся, в заблуждениих сущих вразумительнице; Радуйся, благочестия учительнице.

Радуйся, печалей наших утолительнице; Радуйся, в скорбех утешительнице.

Радуйся, благая бессеребренице; Радуйся, недугов всячеких безмездная врачевательнице.

Радуйся, праведная мати Матроно, теплая о нас к Богу молитвеннице.

Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.

Видяще мнози Российстии людие чудеса и исцеления, Божиею благодатиею от тебе подаваемая: хромым хождение, разслабленным и на одре лежащим исцеление, беснующимся духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.

Радуйся, целительнице, недуги наша исцеляющая; Радуйся, в нуждах наших скоро помогающая.

Радуйся, душеполезными советы нас вразумляющая; Радуйся, недоумения наша скоро разрешающая.

Радуйся, духи нечистыя от человек отгоняющая; Радуйся, от всякого зла молитвою твоею ограждающая.

Радуйся, праведная мати Матроно, теплая о нас к Богу молитвеннице.

Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.

Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:

Радуйся, подвиги твоими Бога прославляющая; Радуйся, славу Божию нам являющая.

Радуйся, неверныя на путь правый наставляющая; Радуйся, грехми оскверненныя молитвами твоими очищающая.

Радуйся, к покаянию нас призывающая; Радуйся, за вся благодарити Господа нас вразумляющая.

Радуйся, храм Божий любити нас научающая; Радуйся, во ограду церковную расточенныя овцы собирающая.

Радуйся, праведная мати Матроно, теплая о нас к Богу молитвеннице.

Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, Взыскание погибших; именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.

Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Российския неусыпная печальнице; Радуйся, спасения нашего ходатаице.

Радуйся, Бога, Судии праведнаго, умилостивительнице; Радуйся, недужных и обидимых покровительнице.

Радуйся, немощных и безнадежных помощнице; Радуйся, противу духов злобы непрестанная воительнице.

Радуйся, яко трепещут тя князи бесовстии; Радуйся, яко радуются о тебе ангелы и человецы.

Радуйся, праведная мати Матроно, теплая о нас к Богу молитвеннице.

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая; Радуйся, духов злобы постом и молитвою отгнавшая.

Радуйся, мир благодатный стяжавшая; Радуйся, любовию твоею многия окрест тебе спасавшая.

Радуйся, житием твоим изрядно людем послужившая; Радуйся, и по кончине твоей людем непрестанно помогающая.

Радуйся, и ныне нашим прошением тепле внимающая; Радуйся, уповающих на помощь твою не оставляющая.

Радуйся, праведная мати Матроно, теплая о нас к Богу молитвеннице.

Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.

Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:

Радуйся, узкий путь и тесная врата избравшая; Радуйся, добродетельми многими просиявшая.

Радуйся, вся тленная в житии твоем отвергшая; Радуйся, смирением, яко венцем драгим, украшенная.

Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.

Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.

Радуйся, праведная мати Матроно, теплая о нас к Богу молитвеннице.

Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.

Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице; Радуйся, терпящих лишения утешительнице.

Радуйся, честнаго супружества охранение; Радуйся, всех, во вражде сущих, умирение.

Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.

Радуйся, лишившихся крова пристанище; Радуйся, о всех к тебе взывающих, заступнице.

Радуйся, праведная мати Матроно, теплая о нас к Богу молитвеннице.

Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.

Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия, присно горящая; Радуйся, бисере честный, блистанием святыни твоея нас озаряющий.

Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.

Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.

Радуйся, яко все житие твое свято и непорочно; Радуйся, яко и смерть твоя пред Господем честна.

Радуйся, праведная мати Матроно, теплая о нас к Богу молитвеннице.

Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.

Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:

Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.

Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.

Радуйся, сонма святых Московских изрядное процветение; Радуйся, града Москвы преславное украшение.

Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.

Радуйся, праведная мати Матроно, теплая о нас к Богу молитвеннице.

О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа.

Сей кондак читается трижды, далее 1-й Икос «Ангел во плоти явилася еси на земли. » и 1-й Кондак «Избранная Духом Божиим от пелен младенческих»

Молитва первая Блаженной Матроне Московской

О здравии (здоровье), от болезни, о помощи в исцелении, о выздоровлении, о благополучной жизни

О блаженная мати Матроно, услыши и приими ныне нас, грешных, молящихся тебе, навыкшая во всем житии твоем приимати и выслушивати всех страждущих и скорбящих, с верою и надеждою к твоему заступлению и помощи прибегающих, скорое поможение и чудесное исцеление всем подавающи; да не оскудеет и ныне милосердие твое к нам, недостойным, мятущимся в многосуетнем мире сем и нигдеже обретающим утешения и сострадания в скорбех душевных и помощи в болезнех телесных: исцели болезни наша, избави от искушений и мучительства диавола, страстно воюющаго, помози донести житейский свой Крест, снести вся тяготы жития и не потеряти в нем образ Божий, веру православную до конца дней наших сохранити, упование и надежду на Бога крепкую имети и нелицемерную любовь к ближним; помози нам по отшествии из жития сего достигнути Царствия Небеснаго со всеми угодившими Богу, прославляюще милосердие и благость Отца Небеснаго, в Троице славимаго, Отца и Сына и Святаго Духа, во веки веков. Аминь.

Молитва вторая Блаженной Матроне Московской

О благополучии, о замужестве, о любви, о беременности (зачатии)

О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различные чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам все наши согрешения, беззакония и грехопадения, имиже мы от юности нашея даже до настоящего дне и часа согрешихом, да твоими молитвами получивше благодать и велию милость, прославим в Троице Единого Бога, Отца, и Сына, и Святаго Духа, ныне и присно и во веки веков. Аминь.

Святые России: Святые Угодники Божии России, житие, иконы, молитвы, акафисты, дни поминовения, чудеса, места почитания.

Copyright copy;2012. Материалы сайта могут копироваться и распространяться любым способом, но мы будем благодарны, если Вы поставите ссылку или баннер на наш сайт.

О admin

x

Check Also

Сильная молитва от одиночества и от венца безбрачия

Молитвы и заговоры для избавления от одиночества Многие женщины уверены, что на них наложен венец безбрачия. Некоторое молодые люди считают, что их наградили печатью одиночества. Иногда же порчи нет совсем, ...

Женские радости

Сильная молитва о том, чтобы любимый вернулся ко мне быстро и любил только меня!

В жизни может случиться многое и близкий и любимый человек уйдет, и именно в этот момент многие начинаются задумываться о высших силах, чтобы вернуть этого человека. Есть много различных сильных ...

Сильная молитва о сыне: материнская молитва о сыне Божьей матери и другим святым

Молитва матери за сына Нет ничего дороже у матери ее ребенка. Дитя — настоящая и единственная гордость матери, все ее молитвы о нем. Каждая мать желает подарить своему чаду все ...

Сильная молитва на сохранение и возвращении любви — Управление Судьбой

Сильная молитва на сохранение и возвращении любви Православная молитва на сохранение любви в семье между мужем и женой – нужно ли обращаться к ней? Нужно ли ставить в известность Бога, ...

Сильная молитва на работе от злых начальников

Сильная молитва на работе от злых начальников Как читать молитву на работе от злых начальников? Чем она хороша? Эти и другие вопросы мы рассмотрим в статье. Некоторым людям нравится их ...

Сильная молитва на быструю продажу авто

Сильная молитва на быструю продажу авто Продажа автомобиля – дело серьезное и хлопотное. Редко кто из автовладельцев обходится без заговоров. Сильная молитва на быструю продажу авто относят к белой магии. ...

Сильная молитва для похудения, от чревоугодия и обжорства, от ожирения

Сильная молитва для похудения Одним из грехов в Православии считается чревоугодие. Поэтому молитвы для похудения очень востребованы. К ним прибегают люди склонные к ожирению, которые понимают всю опасность лишнего веса ...

Сильная молитва для отчаявшихся 40 акафистов Николаю Чудотворцу

Сильная молитва для отчаявшихся 40 акафистов Николаю Чудотворцу Обычай 40 дней читать акафист известен в православной церкви достаточно давно. Сейчас уже трудно судить о истоках этого обычая, но, скорее всего, ...

Самая сильная молитва на исполнение желания: за один день, в ближайший срок, моментально

Самые сильные молитвы на исполнение желаний Чтобы улучшить свое положение в определенной сфере жизни, люди строят планы и рассчитывают дальнейшие действия. Но не всегда получается решить проблемы самостоятельно, не прибегая ...

Православная молитва о детях: сыне, дочери и крестниках

Материнская молитва о детях исцеляет и оберегает от бед Материнская душа – кладезь любви к своим чадам. Сколько бы ни было у матери детей – один или больше, всем им ...

Первичная молитва

Обереги для эффективной защиты от сглаза Данная молитва используется также при начале лечебного дела, особенно когда есть сомнение в успешном лечении или неуверенность. · Шла горами с Божьими молитвами, с ...

Научная Молитва

Научно обоснованный практический алгоритм, позволяющий (Строго говоря, готовых молитв вообще в технологии нет, зато есть примеры и схемы, показывающие, как самостоятельно составлять эффективные молитвы). не поддается логическому объяснению, а эффект ...

Молитва чтобы взяли на работу после собеседования

Молитва чтобы взяли на работу после собеседования. Многие наши читатели просят, чтобы мы поделились молитвой, которую читают перед собеседованием, чтобы обязательно взяли на работу. Выполняем вашу просьбу. Специально для вас ...

Энергетическая защита человека

Энергетическая защита человека при отвороте Энергетическая защита человека призвана защитить от удара негативной энергии. Как вам известно отворот несет в себе довольно сильное магическое воздействие отрицательного заряда и в следствии ...

Молитва по соглашению

Соборная молитва по соглашению Сотни тысяч молящихся вместе во всем мире до скончания века. Аминь. Великий молитвенник, святой праведный Иоанн Кроншадтский, говорил об этом следующее: «Церковь, вместе молящаяся, есть великая ...

Православный крестик — может ли он защитить от неприятностей?

Православный крестик — защита или символ веры? Некоторые люди считают, что православный крестик можно использовать в качестве своеобразного оберега от неприятностей. Очевидно, что на подобные мысли наводит надпись спаси и ...

Рейтинг@Mail.ru